நாமிருவரும் சேர்ந்து எடுத்த புகைப்படங்களில்
அமர்ந்து இருப்பேன் நான்.
அடக்கமாக எனக்கு பின்னால்
நின்று கொண்டு இருப்பாய் நீ .

உன் இனத்து கற்புக்கு அரசிகளை சொல்லி
உன்னை மிரட்டுவேன் நான்.
என் இனத்து அயோக்கியர்களின் பட்டியல் தெரிந்தும்
அமைதியாய் இருப்பாய் நீ.

நீ எனக்கு இருப்பதை பிறர் கேட்டால் ஒழிய
சொல்லிகொள்வதில்லை நான்.
நான் உனக்கு இருப்பதை ஆதாரங்கள் அணிந்து
பறை சற்றியாக வேண்டும் நீ.

எனக்கு பிறகு என் நினைவுகளோடு
வாழ வைகிறார்கள் உன்னை.
உனக்கு பிறகு உன் தங்கையோடு
வாழ வைகிறார்கள் என்னை.

நானும் நீயும் - Jayabashkaran.